Categories
Tag: Amarjargal
Categories
Моодноос гараагүй
Өөрөө ил цагаан амбийцалахгүй хэрнээ улс төрд сураг чимээ алдрахгүй, нүүр нь харагдахгүй ч нэр ньдуулдаад байдаг эрхмүүд байдаг. Ийм хүмүүсийг нөлөө нөөлөг их гэх үү, эсвэл олж авсан орон зай нь том гэж тодорхойлмоор ч юм уу. Тэдний нэг нь УИХ-ын гишүүн асан Р.Амаржаргал. Тэр ихэнхдээ анир чимээгүй талдаа. Харин хааяа том дуугардаг. АН-ыг эрх барьж байсан өнгөрсөн дөрвөн жил албан тушаал, ашиг сонирхолзэргээс холуур тойрно. Уг нь тэр АН-д байтугай хэрэгтэй “зайран” мөнөөс мөн. Монгол Улсын Ерөнхий сайдаар ажиллаж байсан зангараг, туршлага эзэмшсэн эдийн засагч мэргэжлийнхээ эн чадлаар магнайд нь биш юмаа гэхэд цээжинд давхих “морьд”-ын нэг. Гэхдээ нам нь энэ бүхнийг нь үнэгүйдүүлчихсэн болохоор тэр үү, 2013 онд УИХ-ыг гишүүнээсээ татгалзах хүсэлтээ намын дарга З.Энхболдод өгч байсан удаатай. Ил хэлж байгаа учир шалтгаан өөр ч цаана нь гоморхол гомдол байсан байх.
“CFO Club Mongolia” буюу Монголын санхүү эрхэлсэн захирлуудын клубын залуустай уулзлаа. Уг уулзалтаар “Монгол улсын санхүү эдийн засгийн салбарын өнгөрсөн 26 жилийн түүх, алдаа оноо, амжилт, төвлөрсөн төлөвлөгөөт эдийн засгаас зах эдийн засаг руу шилжих үеийн Монгол оронд тулгарсан саад бэрхшээл, харьцуулалт, нийгмийн баялгийн тэгш бус хувиарлалт, үүний эсрэг хэрхэн тэмцэх вэ?” зэрэг олон асуудлуудаар өөрийн байр суурийг илэрхийлж, залуусаасаа мөн олон сонирхолтой санаануудыг сонслоо.
Categories
“Болзоо” нэвтрүүлэг
2016 оны 4-р сарын 30-ны өдөр NTV телевизийн “Болзоо” нэвтрүүлэгт оролцсоныг хүлээн авч үзнэ үү.
[gview file=”http://www.amarjargal.org/wp-content/uploads/2016/03/2016.03.16-Р.Амаржаргал-буюу-Ардчиллын-мотор.pdf”]
Эх сурвалж:
МОНГОЛЫН МЭДЭЭ сонин
2016 оны Гуравдугаар сарын 16. Лхагва
№053 (4423)
Categories
ЖИНХЭНЭ УЛСТӨРЧ
Ж.Тэгшжаргал – “Титэм Гэрэг” сэтгүүл
“ХУДЛАА ЯРЬЖ БОЛОХГҮЙ, ГЭХДЭЭ ҮНЭНИЙГ БАС БҮРЭН ДҮҮРЭН БИТГИЙ ХЭЛЖ БАЙ”
ТОМ ЗУРАГ
Р.Амаржаргал УИХ-ын гишүүн, бас Монголын анхны жиргээчдийн нэг. Анх их идэвхтэй байснаа бодвол өдгөө өдөрт нэг, хоёроос илүүгүй жиргээ л хийдэг болж. Жишээ нь хоёр хоног огт чимээгүй байснаа өнгөрсөн мягмар гаригт Нийгмийн бодлогын байнгын хороогоор ирэх оны төсвийн талаар хэлэлцэх үеэр өөрийн байр сууриа илэрхийлсэн гурван минутын яриагаа Youtube-д байрлуулснаа жиргэж. Түүнд нь олон таван тайлбар байсангүй. Түүний жиргээнүүдийг ажвал өөрийг нь бага ч болтугай мэдэж болмоор санагдсан. 94.3 мянган дагагчтай мөртлөө Р.Амаржаргал өөрөө 103 хүн л дагажээ. Энэ тухай нь асуухад тэр “Би дагах хүмүүсээ 108-аас хэтрүүлэхгүй байя гэж шийдсэн. Энэ тоон дотроо л нэмж, хасаад явна. Олон хүн дагачхаар тэр олон жиргээг уншиж чадахгүйд юм. Сошл ертөнц өөрийн гэсэн соёлтой байх ёстой гэж би боддог. Тийм учраас өдөрт таваас дээш удаа жиргэдэггүй, нэг дуугарахаараа жинтэйхэн, хүн хэрэгтэй, мэдлэг, мэдээлэл болохоор зүйлс жиргэдэг хүмүүсийг сонгож дагадаг” гэсэн.